Ibrahimovic: Mund të luajë deri në 50 vjeç, Milan shtëpia ime e dytë

17:11 | 29 Nëntor 2019
Arbresh Info

Sulmuesi i LA Galaxy, Zlatan Ibrahimovic ka thënë se mund të luajë deri në moshën 50-vjeçare dhe e ka cilësuar Milanin si ‘shtëpinë’ e tij të dytë.

Suedezit i skadon kontrata me klubin amerikan në dhjetor dhe ka pranuar se do të rikthehet në Evropë, transmeton portali arbresh.info.

38-vjeçari ka thënë se mund të rikthehet në “San Siro” pasi është ‘shtëpia’ e tij e dytë.

“Milan është shtëpia ime e dytë. Nuk është qyteti im i dytë, por shtëpia  ime e dytë. Kam kujtime të mrekullueshme. Nëse ka ndonjë projekt që më pëlqen, mund të luajë deri në moshën 50-vjeçare”

Suedezi ka fituar 31 trofe në karrierën e tij, ndërsa për La Galaxy në 58 paraqitjet e tij ka shënuar 53 gola.

Interesim për të pos “Rossonerëve” po tregon edhe klubi tjetër italian, Bologna./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm